Ëmbëlsirë e shkrifët dhe të butë, me një shije shumë karakteristike
Ju nevojiten kore të gatshme për krempite. Gjithashtu, mund t’i përhapni dhe t’i piqni dy kore nga petët e brumit të ngrirë apo të ngjishni brumin dhe t’i piqni dy kore brumi shtëpiake.
Përvishjuni punës
Përbërësit:
– 2 l qumësht;
– 0,5 l ujë;
– 250 g xhelatinë;
– 40 lugë sheqer;
– sheqer vaniljeje;
– 6 vezë (të bardhët dhe të verdhët e ndarë);
– 6 lugë miell të vrazhdë;
– 250 ml ajkë për krem.
Përgatitja:
▪ Qumështin dhe sheqerin qitni në zjarr që të vlojnë, ndërkaq gjatë asaj kohe në një enë të veçantë qitni ujë, shtoni të verdhët, xhelatinën dhe miellin dhe tundni mirë.
▪ Në qumështin e vluar tundeni përzierjen e ujit dhe të verdhët e vezëve dhe zieni në krem.
▪ Në një enë të veçantë përzieni të bardhët e vezëve deri sa të bëhen si borë e ngurtë dhe e lehtë dhe gradualisht përzieni në kremin e nxehtë.
▪ Kremin e përftuar qiteni në kore të brumit dhe ftoheni.
▪ Në kremin e ftohur qitni ajkën e tundur për shllag dhe vendoseni koren e dytë të brumit.
▪ Krempiten ftoheni edhe pak dhe pastaj shërbejeni.
