Jemi në sezonin e kungujve të njomë, një ndër perimet më të shëndetshme e të ushqyeshme të stinës, kështu që receta e mëposhtme me siguri do t'ju pëlqejë dhe do e përgatisni sa hap e mbyll sytë.
PËRBËRËSIT: 2 kunguj, 50 g mozzarella, 2 vezë, 100 g miell, 100 g galetë, kripë, piper dhe vaj ulliri.
PËRGATITJA: Presim kungujt në feta të holla për së gjati me ndihmën e një mandoline kuzhine. Presim mozzarellen ne kubikë, kungujt i kripësim dhe piperosim. Mbledhim copat e mozzareles me kunguj dhe i fiksojmë me një kunjë druri. I kalojmë në miell, vezë dhe galetë, i skuqim në vaj të nxehtë derisa të marrin ngjyrë të artë.
