Edhe pse është një pjatë e shpejtë, që përgatiet thuajse për 5 minuta, nuk është e pa shëndetshme. Zgjidhni djathin filadelfia pa yndyrë dhe bashkë me panxharin do të marrë një shije shumë të mirë e të freskët. Edhe në rast se fëmijët refuzojnë ta hanë panxharin në sallatë, mund t’i ‘gënjeni’ që ta hanë në këtë mënyrë.
Përbërësit për 6 copë (aq sa në fotografi)
Bukë e bardhë për tramezzini, 3 feta të gjata
100 gr djathë filadelfia
¼ panxhar i kuq i zierë paraprakisht
Kripë, piper
Gjalpë
Përgatitja:
Në blender grijmë djathin me panxharin, pak kripë dhe piper derisa të kemi një krem homogjen me ngjyrë. Presim fetat e bukës në 6 kuadrate. I lyejmë secilën me pak gjalpë dhe një shtresë me kremin e mësipërm. I vendosim sipër njëra-tjetrës, i vendosim sipër nga një kruajtëse dhëmbësh dhe i ruajmë në frigorifer të mbuluar me letër plastike për kuzhinë deri në momentin që do t’i shërbejmë.
