Supë plot vlera me hithra, karota dhe patate

Ushqime

Supë plot vlera me hithra, karota dhe patate

Më: 8 mars 2021 Në ora: 16:24
Foto ilustrim

Hithra është një barishte e fuqishme në aspekt vlerash ushqyese dhe kuruese për organizmin e njeriut.

Në këtë periudhë të vitit, lëndinat, kopështet e bahçet janë plot e për plot me këtë barishte të cilës i thuren shumë lavde.

Hithra është një bimë premtuese në trajtimin e sëmundjeve të Alzheimer, artritit, astmës, infeksioneve të fshikëzës së urinis, bronikitit, gurëve në veshka, sklerozës, e shumë të tjerave.

Për më tepër, hithra përdoret për të luftuar zbokthin dhe hequr yndyrën e tepërt nga flokët.

Supë Me Hithra, Karrotë Dhe Patate
Hithra është pjesë e pandashme e disa prej gatimeve më të shijshme të amvisave shqiptare.

Ajo gatuhet në supa por edhe në peta misri ose me miell gruri.

Në këtë artikull të AgroWeb.org do të mësoni një recetë të shëndetshme e të thjeshtë për gatimin e supës me hithra, karrotë dhe patate.

Përbërësit:
Një qepë e prerë hollë

2 thelbinj hudhre të shtypur,

1 patate mesatare e prerë në copa të vogla

1 karrotë mesatare e prerë në copa të vogla

3 filxhanë çaji lëng perimesh

3 filxhanë çaji plot me hithra

Kripë dhe piper.

Përgatitja:
Vendosni tenxheren në zjarr dhe hidhni në të lëngun e perimeve, qepën, hudhrën, copat e patateve dhe karroteve.

Kur të marrë lëngu valë, uleni temperaturën dhe lëreni të ziejë për pesë minuta.

Më pas shtoni hithrat dhe prisni sërish pesë minuta të tjera deri sa patatet të jenë zbutur dhe hithrat të jenë tretur.

Hiqeni tenxheren nga zjarri dhe lëreni të ftohet pak.

Më pas të gjithë përbërësit e supës përziejini në një mikser për mbi 20 sekonda, deri sa të përfitoni një masë homogjene dhe kremoze të cilën duhet ta hidhni sërish në tenxheren fillestare.

Ngroheni pak dhe pasurojeni me kripë dhe piper.

Për ta servirur, hidhni pak vaj ulliri në sipërfaqe dhe arra të pjekura.

commentFirst article
Sot mund të lexoni Shfletoni kopertinat