Çfarë gatuhet për Pashkë në të gjithë botën?

Ushqime

Çfarë gatuhet për Pashkë në të gjithë botën?

Më: 4 prill 2021 Në ora: 15:25
Foto ilustrim

Në të gjithë botën ka shumë mënyra të dallueshme të gatimeve për të shijuar festën e Pashkëve që përfshijnë përbërësit lokalë dhe traditat unike kulturore. Për krijuesen e blogut italian të ushqimit “Divina Cucina”, Judy Witts Francini italianët bëjnë gjithçka në këtë festë.

Ajo është nga Kalifornia por ka jetuar në Firence dhe Toskanë për dekada dhe thotë se dreka e Pashkëve fillon me një shumëllojshmëri antipastash, ku pjata e parë që quhet edhe torta e Pashkëve përbëhet nga 33 shtresa brumi për të simbolizuar 33 vitet e jetës së Krishtit.

E dyta përfshin mish qengji të pjekur, artiçokë të skuqura, bizele me panceta dhe patate të pjekura. Ëmbëlsira është vezë çokollate (e cila mund të jetë e gjatë deri në 3 metra e gjatë) me një dhuratë brenda dhe një tortë në formë pëllumbi, të quajtur colomba.

Vendet e tjera kanë pak a shumë një qasje të ngjashme, por disa pjata me të vërtetë dallohen. Ne po ju sjellim vetëm pesë vende.

Në Meksikë për Pashkë gatuhet “Capirotada”, një ëmbëlsirë që është e ngjashme me pudingun e bukës, me shurup dhe e shtresuar mes arrave, djathit dhe frutave.

Në Poloni, pjata që zë vendin kryesor për Pashkë është “Żurek”. Është një supë e thartuar kremoze dhe e tymosur e bërë nga mielli i thekrës. Kjo supë shpesh shërbehet me një vezë të zier dhe suxhuk, dhe pastaj zbukurohet me erëza djegëse.

Kuzhina në Singapor është me të vërtetë një përzierje kulturash: kineze, malajase, indiane dhe euroaziatike. Për festën e Pashkëve gatuhet biftek viçi “Beef Murtabak”. Murtabak viçi është një krep veze i mbështjellë rreth mishit të bluar. Mishi i viçit është marinuar në pluhur kerri, pastaj gatuhet me një qepë, hudhra dhe erëza kanellë dhe arrëmyshk. Pjata shërbehet me limon jeshil të freskët dhe salcë djegëse.

Në Nigeri për Pashkë gatuhet oriz nigerian “Jollof”, me bazë domate, që ka origjinën në Senegal dhe u përhap në vendet e Afrikës Perëndimore. Është pikante dhe e shijshme. Jollof përmban oriz kokërrgjatë dhe pluhur kerri në stilin nigerian për erëza dhe ka shumë mënyra për ta gatuar përfshirë mishi, erëza, qepë dhe perime.

Image
Image
Image
Image
Image

 

commentFirst article
Sot mund të lexoni Shfletoni kopertinat