​Çfarë nuk duhet të bëni kur jeni të uritur?

Ushqime

​Çfarë nuk duhet të bëni kur jeni të uritur?

Më: 9 maj 2021 Në ora: 23:17
Foto ilustrim

Ndjenja e urisë mund të ndikojë në disponimin tuaj në shumë mënyra, por edhe në shëndetin tuaj.

Uria mund t’ju bëjë nervozë, me humor të dobët, të rraskapitur dhe mund të mos dëshironi të bëni ndonjë aktivitet. Sigurisht, nuk mund të keni gjithmonë stomak të plotë.

Ndonjëherë ndodh që për shkak të mungesës së kohës ose disa arsyeve të tjera thjesht të anashkaloni një ose më shumë vakte. Ka shumë gjëra që nuk duhet të bëni në situata të tilla, shkruan Times Of India.

Merrni vendime të rëndësishme

Studimet tregojnë se njerëzit nuk marrin vendime të mira kur janë të uritur.

Sipas studiuesve nga Universiteti i Utrechtit, për shkak të ndjenjës së urisë, ju mund të mendoni më pak dhe mund të merrni një vendim për të cilin me shumë gjasa do të pendoheni më vonë. Kjo ndodh pasi që grina - hormoni i urisë - ndikon në trurin dhe aftësinë tuaj për të racionalizuar gjërat dhe problemet.

Ju shkoni për të bërë pazar

Nëse duhet të blini ushqime, hani diçka nëse nuk doni të blini gjëra që nuk ju duhen. Studimet sugjerojnë që njerëzit zakonisht shpenzojnë më shumë për gjëra të panevojshme kur janë të uritur.

Nëse shkoni të bëni pazar për ushqime, me siguri do të përfundoni në blerjen e shumë karbohidrateve dhe ëmbëlsirave, pasi që në situata të tilla ndjeni dëshirën për pikërisht gjëra të tilla ushqimore.

Ju grindeni me partnerin tuaj

Sado i zemëruar të jeni me partnerin, mos u grindni pasi mund t’i përkeqësojë gjërat mes jush. Në vend të kësaj, merrni pak kohë, hani diçka dhe mendohuni dy herë para se të thoni diçka.

Kur jemi të uritur, truri ynë nuk mund të mendojë qartë dhe ka më shumë të ngjarë të themi atë që nuk duhet të themi.

Ju ushtroni

Ushtrimet në stomak bosh mund të kufizojnë performancën tuaj dhe mund të ndërhyjnë në rutinën tuaj të ushtrimeve. Përveç kësaj, për shkak të niveleve të ulëta të energjisë ekziston një rrezik i lartë i dëmtimit.

Ju hani ushqim pikant

Konsumimi i ushqimit pikant në stomak bosh mund të irritojë mukozën e stomakut. Është e rëndësishme që së pari të konsumoni disa ushqime të pasura me ushqim me një shije të butë për të shmangur acarimin.

Për shembull, filloni ditën duke konsumuar fruta dhe arra. Nëse jeni adhurues i ushqimit pikant, merrni atë në pjesën e dytë të ditës. Gjithashtu, shmangni konsumimin e alkoolit në stomak bosh, pasi që mund të deheni më shpejt.

Shfaq komentet
comments powered by Disqus
Sot mund të lexoni Shfletoni kopertinat