Besohet se patatinat e skuqura dhe patatet e skuqura së bashku me pije të gazuara janë më përgjegjës për mbipeshë. Ky është përfundimi i hulumtuesve nga Universiteti i Harvardit në bazë të analizave që janë bërë për 20 vjet.
Nga ana tjetër, nëse hahet ushqimi i pasur me celulozë me kos, humbet pesha, transmeton KosovaPress.
Ekspertët sugjerojnë që nëse hamë shumë ushqime të shëndetshme, do të hamë më pak ushqime që nuk janë të shëndetshme. Gjithashtu, ushqimi i pasur me celulozë krijon një ndjenjë të ngopjes, ndërsa patatet e skuqura, ëmbëlsirat ose pijet e gazuara kanë një shije më të mirë, por ne bëhemi shpejt të uritur.
Nuk ka dyshim se njerëzit që pinë kos bëjnë shumë për të mbajtur peshën normale të trupit. Gjithashtu, njerëzit më të shëndetshëm, nëse nuk pinë duhan dhe flenë mesatarisht 7-8 orë, kanë më shumë energji dhe stërvitin më shumë.
Hulumtuesit analizuan 120.877 burra dhe gra në Shtetet e Bashkuara të Amerikës, të cilët kishin peshë nominale të trupit dhe i ndanë në tre grupe. Mesatarisht, ata fituan 1.5 kg çdo 4 vjet, që ishte rreth 7,5 kilogram në 20 vjet dhe kishte një rrezik në rritje të sëmundjeve të zemrës, diabetit dhe kancerit.
Studimi u përqendrua posaçërisht në raportin e rritjes së peshës dhe konsumimin e ushqimeve të caktuara për gratë. U konstatua se të gjitha llojet e patateve, dhe veçanërisht patatet e skuqura dhe patatinat çojnë në mbipeshë, por edhe mishi i kuq, produktet e mishit, ëmbëlsirat dhe lëngjet e frutave kanë të njëjtin efekt.
Perimet, frutat, jogurti dhe frutat e arrave janë provuar të jenë më efektive në mbajtjen e peshës optimale të trupit.
