Nuk ndalen mesazhet me tritol në Vlorë. Një sasi prej 600 gram tritol ishte vendosur në poshtë një automjeti “Benz” në pronësi të shtetasit S. Binaj.
Ngjarja ka ndodhur mesnatën e djeshme, në lagjen “Hajro Çakërri”.
Mjeti ka qenë i parkur dhe vetë pronari i saj ka konstatuar pako e vogël me lëndë plasëse, duke lajmëruar më pas policinë.
“Menjëherë në vendngjarje kanë shkuar shërbimet e policisë, të cilat vendosën perimetrin e sigurisë dhe forcat antieksploziv të RENEA-s, të cilat pas veprimeve të para bënë çaktivizimin e pakos e cila kishte brenda saj lëndë plasëse” njofton policia.
Shpërthimi i mkomanduar ka ndodhur rreth orës 03.30 të mëngjesit.
Grupi hetimor po vijon punën për zbardhjen e rrethanave të ngjarjes si dhe për identifikimin dhe kapjen e autorit.