Një ngjarje e rëndë ende e pazbardhur ka ndodhur në mbrëmje në qytetin e Vlorës. Një i mitur i moshës 15 vjeç, është gjetur i gjakosur në rrugë nga policia.
Patrulla e Policisë ka bërë menjëherë shoqërimin e tij në spitalin rajonal të Vlorës, ku i është dhënë ndihma e parë mjekësore.
Dyshimet e para janë se 15 vjeçari është goditur me sende të forta dhe me kaçavidë.
Ngjarja mendohet se ka ndodhur në zonën e Lungomare.
Ndërkohë që i mituri është jashtë rrezikut për jetën, ndërsa policia po heton për zbardhjen e ngjarjes.
