Rama: Ilir Meta është kandidat zyrtar i partisë së tij në Vlorë

Vlora

Rama: Ilir Meta është kandidat zyrtar i partisë së tij në Vlorë

Më: 10 prill 2021 Në ora: 10:37
Edi Rama

Kryeministri Edi Rama nga Vlora ku dhe po ndjek nga afër procesin e vaksinimit nuk ka kursyer as deklaratat për Presidentin Ilir Meta.

Kreu i qeverisë tha se Meta është kandidat i partisë së tij, dhe sipas tij ai vjen në Vlorë me subjekte të OFL-së.

“Presidenti ka…ose më saktë Ilir Meta tani është kandidat zyrtar i partisë së tij në Vlorë. S’ka asnjë problem, natyrisht që ai bën një fushatë atipike skutave me subjekte te ofl i shoqëruar me gjykatës e prokurorë që janë nxjerrë jashtë nga procesi i vettingut dhe ëndërrojnë revanshin nepermjet Saliut dhe Ilirit qe qellim kryesor te revanshit kane rimarrjen në duar të drejtësisë, zhytjen e drejtësisë në llumin e të shkuarës.

Ilir Meta shpërndan dekorata, tani lajmi i fundit është që do dekorojë edhe floktoren në Vlorë nuk e di kujt do t’i bjerë, por në rast se parukierja jote s’do dekorohet sot thuaj nga ana ime se këto janë thjesht teneqe të shpërndara për arsyet që diskutojmë dhe përvec shpërndarjes së teneqeve presidenti ofron dhe divergjenca si përshembull nxjerren nga burgu të vëllait të x dhe kunatit të y.

Por besoj se këto gjera do jenë të mjaftueshme për vlonjatët për t’ja dhënë dërrmën këtyre forcave krejtësisht në kundërta me historinë që ne po bëjmë bashkë e ne 25 prill te vazhdojme punen”, u shpreh Rama,

Shfaq komentet
comments powered by Disqus
Sot mund të lexoni Shfletoni kopertinat