Policia është vënë në kërkim të lokalit ku sonte u qëllua me armë zjarri, 39 vjeçari, Ergys Likaj.
Edhe pse u tha që u qëllua në një lokal në Lungomare, policia nuk ka gjetur ende ambientin ku u qëllua.
Ndërkohë që nga inspektimet në Lungomare nuk është zbuluar asgjë në lidhje me plagosjen.
Kjo vihet re edhe në informacionin paraprak të Policisë së Vlorës, ku ngjarja mbetet ende e paqartë.
Ndërsa është shoqëruar një person në komisariat ku po merret në pyetje.
Vlorë/Informacion paraprak
Sot rreth orës 19:55, në spitalin e Vlorës, ka shkuar i plagosur dyshohet me armë zjarri në rrethana ende të paqarta, shtetasi E. L, i cili ndodhet në spital, nën kujdesin e mjekëve.
Grupi hetimor në bashkëpunim me Prokurorinë po punojnë për sqarimin e rrethanave të ngjarjes.