Iku me vrap: Si u arratis nga Gjykata e Vlorës i dënuari për rrëmbim

Vlora

Iku me vrap: Si u arratis nga Gjykata e Vlorës i dënuari për rrëmbim

Më: 23 maj 2018 Në ora: 11:36
Mësohet se ai ka goditur një nga efektivët e policisë me grusht. Ai është hedhur mbi tavolinë dhe ka ikur me vrap.

Një i burgosur është arratisur nga ambjentet e Gjykatës në Vlorë. I arratisuri Mikel Kasa ka qenë në katin e dytë të Gjykatës për të marrë vendimin. Ai është larguar nga salla, ndërkohë që në sallë ka pasur dhe policë.

Mësohet se ai ka goditur një nga efektivët e policisë me grusht. Ai është hedhur mbi tavolinë dhe ka ikur me vrap.

Mikel Kasa ishte arrestuar për rrëmbim personi dhe sapo dëgjoi vendimin e Gjykatës është arratisur.

Për Kasën është dhënë vendimi me 5 vjet burg dhe akuzohet për heqje të paligjshme të lirisë.

Ngjarja ka ndodhur rreth orës 10:40 dhe personi ndodhej në gjykatë për vlerësim mase.

Mendohet se ai ka ikur vetë dhe nuk është ndihmuar nga persona të tjerë.

Mësohet se dyert e gjykatës kanë qenë të hapura, çka ka ndihmuar 28-vjeçarin të realizojë planin e tij.

Forca policie vijojnë kërkimet për kapjen e tij.

commentFirst article
Sot mund të lexoni Shfletoni kopertinat