Zyra e Federatës së Volejbollit të Kosovës, bëri të ditur se garat për pjesën e dytë të kampionatit do të fillojnë në ditët e para të shkurtit. “Bordi i FVK-së ka mbajtur mbledhjen e parë për vitin 2019 dhe ndër të tjera vendosi: Superliga A t’i filloj garat me 8/9 shkurt, kurse Superliga B do të fillon me 23/24 shkurt. Liga e Parë fillon me 2/3 mars, ndërsa ato të Kupës së Kosovës me 6/7 mars”, bëhet e ditur nga FVK. Po ashtu u vendos edhe për shpalljen e laureatëve më të mirë për vitin 2018. “Afati kalimtar do të jetë i hapur deri me 31 janar”, thuhet nga FVK.