Vllaznia nga Shkodra është shpallur sot kampione e Shqipërisë në volejboll për të reja. Skuadra shkodrane fitoi 3:1 në Korçë ndaj Skënderbeut (25:21, 25:19, 21:25, 26:24) në finalen e dytë play off për këtë kategori, duke u shpallur kampione për të reja.
Skuadra e drejtuar nga trajnerja Ana Gjelaj pat fituar 3-0 edhe ndeshjen e parë të luajtur në Shkodër një javë më parë. Një triumf i merituar i ekipit shkodran, që konfirmohet si skuadra më e mirë e këitj sezoni për të reja.
FSHV përshëndet dy skuadra finaliste për rrugëtimin e bukur deri në finale si dhe përgëzon kampionet e Shqipërisë për këtë triumf, thuhet në njoftimin e Federatës së Volejbollit Shqiptar.
