Në një atraktivitet mjaft të madh të Kampionatit U16, të shtunën në Prishtinë e Ferizaj fillon lufta për titullin kampion në kategorinë e meshkujve dhe femrave.
Në Prishtinë do të zhvillohet Kampionati U16 në kategorinë e meshkujve, duke filluar nga ora 13:00 në Pallatin e Rinisë dhe Sporteve, me këto ekipe pjesëmarrëse: Prishtina, Vëllaznimi, As Vushtrria dhe Luboteni.
Në Ferizaj do të zhvillohet Kampionati U16 në kategorinë e femrave, duke filluar nga ora 10:00 në Palestrën e shkollës së mesme të mjeksisë "Elena Gjika", me këto ekipe pjesëmarrëse: Kastrioti, Malisheva, Suti Sport, M-Technologie, Ulpiana dhe Klina.
