Drejtuesit e klubit të volejbollit Prishtina F. përforcojnë radhët me volejbollisten nga Shqipëria, Albana Vokrri.
Kryetari i KV Prishtina F. Mehdi Mehmeti, ka deklaruar se është një përforcim i madh dhe që e shton konkurrencën brenda ekipit.
“Vokrri është përforcim i ri, është pasuese e re në klubin tonë. Ajo ka luajtur në KV ‘Marin Barleti’ nga Tirana.
Është e martuar në Prizren dhe ka një fëmijë. Kjo në sezonin e kaluar ka luajtur në KV Feronikeli nga Drenasi.
Albana me burrin e saj Kazim Topoyan na sollën në Prishtinë klubin e njohur Bursaspor nga Turqia, në turneun e organizuar për nder të çlirimit të Prishtinës.
Çifti nga Prizreni formuan klubin KV Kalaja për grup-moshat e reja dhe kanë një djalë me emrin Ubejd. Albana është e punësuar në kompaninë e sigurimeve ‘Eurosig’ në Prishtinë”, bëri të ditur Mehmeti.
"Jemi në bisedime edhe me 2 lojtare, një nga Maqedonia dhe një nga Shqipëria", tha Mehmeti.
