Ekipi që po befason të gjithë padyshim është Ferizaj që po sjellë në petkun e tyre volejbollistë të shquar, si Bardhyl Hajdarajn, Driton Bytyqin, Art Tërstenën dhe tani edhe Durim Rexhepin e KV Luboteni nga Ferizaj.
Në bazë të përforcimeve, ferizajasit do të luftojnë për titullin e kampionit në elitën e volejbollit të Kosovës.
“Njëri ndër volejbollistët më të mirë në Kosovë, Durim Rexhepi, është transferimi i radhës i KV Ferizaj.
Rexhepi me cilësinë dhe përvojën e tij prej një qendre të jashtëzakonshme, do ta ndihmoj Ferizajn në sukseset e radhës. Me Durimin dhe të tjerët Ferizaj aspiron shumë më shumë këtë sezon”, bëhet e ditur nga Ferizaj.