Në sportin e Kosovës të kesh një femër presidente të klubit për dikë është pak çudi e kohës apo abnormale, për dikë është normale dhe për dikë as mirë as keq!
Emërimi i Ganimete Gërbovcit presidente e klubit Prishtina F (femrat) është një lajm i mirë jo vetëm për komunitetin e volejbollit. Sepse Prishtina F është bërë një model për shumicën e klubeve, se femra duhet të jetë në pozitën kryesore dhe t’i besohet edhe detyra! Para Ganimetes presidente e këtij klubit ka qenë ish volejbollistja Halime Fetahu.
Sërish presidente një ish volejbolliste dhe me emër të madh!
Ndikimi i Ganimetes? Ganimetja pritet të jetë e ashpër sepse njihet si tip që e do disiplinën, punën dhe nuk toleron që klubi të shkojë pa rend e pa rregull!
A është një veprim i mençur i kryesisë së Prishtinës? Natyrisht se do të quhet si i mençur sepse Ganimetja i njeh të gjitha volejbollistet, i ka në dorë dhe i njeh se si marrin frymë, nuk do të ketë problem menaxhimin në tërësi të situatës që i takon në asaj. Kush do të vendos për trajnerin e ri, Ganja apo kryesia?
Kush do të ketë ndikimin? A do të jetë Ganja si gruaja e hekurt në klub?
