AO THIRAS Santorini vs KV DRITA Gjilan 3:0 (25:9,25:7,25:17). Ekipi i Dritës nga Gjilani në konkurrencën e femrave është mposhtur në ndeshjen e parë të Challenge Cup nga ekipi grek Ao Thiras nga Santorini.
Ndeshja u zhvillua në Palestren Dappos KARTERADOS – SATNORINI para 500 spektatorëve. Në setin e parë ekipi i Dritës nuk arriti të bëjë shumë duke u ndalur në 9 respektivisht 7 pikë në setin e dytë, ndërsa në setin e tretë Drita arriti të tregoj lojë të mirë herë herë madje edhe ishte në epërsi mirëpo në fund ekipi grek arriti ta fitoj këtë set me rezultat 25:17 dhe ndeshjen 3:0 në tërësi.
Sot në ora 18:30 sipas orës sonë lokale Drita do ta zhvilloj edhe ndeshjen e dytë.
Trajneri Ilazi dhe lojtaret kanë premtuar ndeshje më të mirë dhe rezultat më pozitiv se ndeshja e parë. Federata e Volejbollit e Kosovës i deshiron suksese dhe paraqitje të mirë në ndeshjen e radhës!