Një detaj interesant është zbuluar pas shumë viteve se si disa plaka serbe, në vitin 2006, iu drejtuan Xhavit Mustafës, atëkohë selektor i kombëtares së Kosovës U-18 në volejboll (meshkujt).
Burimet tona bëjnë të ditur, se kombëtarja e Kosovës për femra e meshkuj ishte në kampin në Tivar të Malit të Zi, në vitin 2006.
“Në një moment shkojnë në detin e Tivarit, Mustafa me ekipin e tij. Në ato momente ishin disa plaka serbe dhe kur i shohin djemtë tanë me fanella e në shpinë të shkruar Kosova, ato në gjuhën serbe e me nervozizëm, i thonë Mustafës: ‘Kosovën na i morët, e tani e doni edhe detin’.
Raportohet se Mustafa ia ka kthyer: ‘Kosova kurrë nuk ka qenë serbe dhe as kurrë nuk do të jetë por është shqiptare. Kosova u mbajt për disa vite me dhunë nga pushtuesi serb’, këto ka qenë disa polemika mes plakave serbe dhe Mustafës”, bëri të ditur një burim për gazetën kombëtare “Bota sot”.