Të gjithë trajnerët e Superliga A në volejboll (femrat), ish volejbollistet më të mira të vendit tonë, ish reprezentuese të Kosovës, kanë marrë pjesë në anketën e rubrikës së sportit të gazetës kombëtare “Bota sot”.
Secili prej tyre është përcaktuar për formacionin më të mirë për periudhën 1999-2019. Disa prej tyre kanë mbetur anonim, por shumica janë deklaruar publikisht se për cilin formacion, trajner e lojtare janë përcaktuar. Në disa pozita është dramë, po ashtu edhe te trajneri.
Gjithçka dihet pas orës 17.00 kur edhe publikohet lista. Cili është formacioni më i mirë i Kosovës në periudhën 1999-2019, cila është pasuesja më e mirë, korrektorja, dy pranueset, dy qendra, libero dhe volejbollistja më e mirë po ashtu edhe trajneri më i mirë 1999-2019.
Kjo do të publikohet, pasi tani janë në nxjerrje të të gjithë të anketuarve. Të gjitha anketat do të publikohen, disa vetëm me kode.
