M-Technologie nga Prishtina i revanshohet me kamatë kampiones në fuqi Dritës nga Gjilani, për humbjen (0:3) në xhiron e parë të play-off-it të Superligës A të Kosovës në volejboll.
Vashat nga Prishtina shënojnë fitore në Gjilan me rezultat 3:0 (27:25, 25:17, 25:19) ndaj Dritës, në xhiron e katërt. M-Technologie merr kreun e tabelës dhe kjo i motivon edhe më shumë për dy takimet e fundit.
M-Technologie ka bërë lojë brilante pa kryetrajnerin Naser Krasniqi, i cili është i suspenduar.
Megjithatë, Krasniqi ka deklaruar për gazetën kombëtare “Bota sot”, se është fitore e madhe në derbin e madh.
“Arma më e fortë motivi për titull, kompaktësia e ekipit. Sulmi dhe blloku”, tha Krasniqi.
Si e sheh vazhdimin e kampionatit? “Shumë të paqartë. Secili ka mundësi me mundur secilin. Krejt kanë gjasa, s’ka favorit.
Ne do të vazhdojmë me të njëjtin ritëm”, përfundoi Krasniqi.