Bordi i Federatës së Volejbollit të Kosovës e përjashton Lubotenin e Ferizajt nga Superliga e Kosovës.
Arsyeja është se Luboteni nuk i ka zhvilluar ndeshjet e garave të play-off-it në Superligën A.
Me rregullore është se nëse një klub nuk i zhvillon dy ndeshje pa arsye përjashtohet nga garat, e Luboteni dy ndeshje nuk i ka luajtur.
Përveç që u përjashtua, ata janë dënuar edhe me të holla. Ish kampioni i Kosovës ka paraqitur ankesë por u refuzua nga Bordi i FVK-së.