Sportistët dhe sportistet, veprimtarët sportivë, donatorët etj. rrezikuan jetën për të mbajtur gjallë sportin në vitet e 90-ta (1991-1999).
Lulzim Gërguri i takon Gjeneratës së Republikës. Ai si volejbollist ka qenë ndër më të dalluarit në fushën e lojës.
Gërguri me shokë ka sakrifikuar gjithçka vetëm e vetëm që sporti skofiar mos të ndalet, të cilët edhe ia arritën qëllimit.
Ata i zhvilluan garat në salla të improvizuara siç ishin në Bresalc dhe Gadime dhe në ambiente të hapura.
Në vitet e 90-ta (1991-1999), çdo rrugëtim ka qenë sikur të shkosh në front të luftës, për faktin se ndeshesh në punkte të ndryshme me milicinë e pushtuesit serb.
Gërguri me një armatë sportistësh i rezistuan fuqishëm okupatorit serb.
Ai sot ndihet krenar që dhanë kontribut të madh për t’i zhvilluar garat e Republikës së Kosovës, në vitet më të rënda kur në çdo sekondë jeta ka qenë në rrezik nga milicia serbe.