Klubi i volejbollit Prishtina F si shumë klube tjera synon që të jetë i kompletuar jo vetëm me volejbolliste por edhe në Shtabin Teknik, që të janë sa më të gatshëm për edicionin e ri të Superligës A në volejboll (femrat).
“KV Prishtinës i është bashkuar volejbollisti dhe trajneri Adriatik Kajtazi si krah i djathtë i Bahri Gjinovci.
Kajtazi njihet për përvojën shumëvjeçare si trajner dhe si lojtar i suksesshëm brenda dhe jashtë vendit, padyshim që përvoja e tij i nevojitet klubit tonë dhe vendimi i tij për t'ju bashkuar ekipit tonë është mirëpritur nga kryesia dhe ekipi ynë”, njofton KV Prishtina F.
Kajtazi ka përvojë të madhe si volejbollist dhe angazhimi i tij është edhe si fitore për vashat prishtinase.