Skuadra e Vëllaznimit nga Gjakova ka arritur që të fitoj ndeshjen kundër Drenices, duke arritur të fitoj edhe titullin e kampionit të Superligës B pa asnjë humbje.
Vëllaznimi ka arritur që të tregoj ndeshje mjaft të mira në këtë fazë të garave, madje duke ju dhënë hapësirë lojtarëve të rinj, çka është mjaft premtuese për klubin në të ardhmen.
Falë angazhimit dhe punës së Blendi Haxhikadrisë dhe bashkëpunëtorëve, Vëllaznimi ka arritur të ndërtoj një skuadër të re dhe mjaft premtuese për të ardhmen.
Pas fitores dhe suksesit të arritur nënkryetari i FVK Visar Alimehaj dhe anëtari i bordit Asllan Nimani kanë ndarë për KV Vëllaznimin dhe lojtarët, kupën dhe medaljet.
Federata e Volejbollit e Kosovës uron KV Vëllaznimin për suksesin e arritur, duke i deshiruar sukses në sezonin e ri sportiv 2020/2021!
