Volejbollistët e Therandës shënuan fitore bindëse me rezultat 3:0 (25:11 25:15 25:23) kundër Ulpianës nga Lipjani, në kuadër të javës së tretë të Superligës së Kosovës.
Djelmoshat e trajnerit Xhavit Mustafa dominuan dy setet e para, ndërsa seti i tretë ka qenë me rivalitet të madh.
Seti i parë dhe i dytë përfundoi me rezultat të thellë 25:11 përkatësisht 25:15 në favor të therandasve.
Ulpiana u përpoq në setin e tretë por nuk ka arritur më shumë se 23 pikë.
Ky set i takoi Therandës me 25:23 dhe fituan me rezultat të përgjithshëm 3:0. Mustafa është i kënaqur me lojën e lojtarëve të tij, të cilët në tre takimet e para kanë po aq fitore.
