Braziliani i bashkohet Pejës! Kelmendi: Synojmë titullin dhe Kupën 

Volejboll

Braziliani i bashkohet Pejës! Kelmendi: Synojmë titullin dhe Kupën 

Nga: Kemajl Goca Më: 9 shkurt 2021 Në ora: 15:16
Braziliani i bashkohet Pejës! Kelmendi: Synojmë titullin dhe Kupën 

Peja pretendon të fitojë titullin e kampionit dhe Kupën e Kosovës.

Synimet forcohen edhe me shumë me ardhjen e volejbollistit brazilian Viktor Lupp. Peja ka ndër ekipet më të mira, me një fond të mirë të volejbollistëve dhe me synime që të përmirësojë edhe më shumë nivelin e lojës. Trajneri i Pejës, Qazim Kelmendi është optimist, duke thënë se me brazilianin janë edhe më të kompletuar.  

“Ne stërvitje KV Pejës ju bashkuan edhe braziliani Viktor Lupp  dhe  Liridon Pllana.

Peja me lojtaret  vendorë dhe me Lonardo Dodën dhe Viktor Lupp,  synon të gjitha trofetë  këtë vit 

Me punën dhe atmosferën e klubit jemi të kënaqur, po ashtu si nga  lojtarët po ashtu  edhe nga kryesia flitet vetëm për trofetë”, tha  Kelmendi për gazetën kombëtare “Bota sot”.

Kelmendi flet edhe se cilët do të janë rivalët më të mëdhenj të skuadrës së tij.

“Ne synojmë titullin dhe Kupën. Rivalët më të mëdhenj janë Ferizaj, Drita dhe Golden Eagle Theranda, skuadra që besoj e shpresoj së bashku me ne do të janë në play-off”, thotë Kelmendi.

Peja renditet në vend të katërt me 18 pikë apo ka pesë me pak se kampioni vjeshtor Ferizaj.

Shfaq komentet
comments powered by Disqus
Sot mund të lexoni Shfletoni kopertinat