Nën drejtimin e trajnerit Jani Melka, kombëtarja e volejbollit për meshkuj ka nisur përgatitjet për të luajtur eliminatoret e Europianit 2021 të rrjetës. Shqipëria ndodhet në Grupin E eliminator, së bashku me Rumaninë, Zvicrën dhe Sllovakinë.
Sipas formulës, ekipet do të luajnë me sistem grumbullimi, ku tri sfidat e para do të zhvillohen më datat 6-8 maj në Sllovaki. Ndërsa tri ndeshjet e kthimit do të luhen pas një jave, 14-16 majh, në Rumani.
Trajneri Jani Melka u shpreh në konferencën për shtyp se do të japë dhe marrë maksimumin nga ekipi, pavarësisht kohës së shkurtër në dispozicion dhe faktit se lojtarët vijnë nga një periudhe e vështirë, siç është pandemia dhe Shqipëria ka qenë pushim për gati një vit në këtë sport.
Faza e parë, Sllovaki 6-8 maj
6 maj, Rumani – Shqipëri, 19:00
7 maj, Zvicër – Shqipëri, 17:30
8 maj, Shqipëri – Sllovaki, 20:30
Faza e dytë, Rumani 14-16 maj
14 maj, Shqipëri – Rumani, 17:00
15 maj, Shqipëri – Sllovaki, 20:00
16 maj, Zvicër – Shqipëri, 20:00