Më datat 10-18 korrik, në Tiranë do të zhvillohet faza finale e Kampionatit Europian të Volejbollit për moshat U-17.
Kjo është hjera e dytë që Shqipëria organizon një event të tillë të rëndësishëm Kontinental, pas Europianit U-19 për vajza të tri viteve më parë.
Sot është hedhur shorti i këtij eventi. Në fazën finale do të marrin pjesë 12 skuadra, mes të cilave edhe Shqipëria, si vend organizator. 12 skuadrat janë ndarë në dy grupe.
Pritet që ndeshjet të zhvillohen në Tiranë (në Feti Borova) dhe Durrës (Akademia Goga).
