Ergon Tara është prej volejbollistëve më të mirë në Kosovë dhe me lojërat e tij të shkëlqyeshme, ka rënë në sy edhe tek disa ekipet e shteteve të rajonit.
Volejbollisti që luan me sukses në petkun e Prishtina Volley për dy vite rresht, flitet se po kërkohet nga kampioni i Maqedonisë së Veriut, Strumica.
Tara nuk e pohon e as nuk e mohon ofertën nga Strumica.
Sa i përket Kampionatit të Kosovës, tha se në vitet e fundit është shtuar rivaliteti.
“Sa i përket Kampionatit në Kosovë, viteve të fundit është shtuar rivaliteti, mirëpo pavarësisht kësaj mbetet shumë për t’u dëshiruar e në rritjen e cilësisë dhe me punën në gjeneratat e reja ku kemi shumë ngecje në kategorinë e meshkujve”, thotë Tara për gazetën kombëtare “Bota sot”.