Volejbollisti i Pejës, Bardhyl Hajdaraj, është tepër i inatosur dhe i revoltuar me atë çfarë i ndodhi rrugës për t’u futur në Bosnje, në Brçko, për të zhvilluar ndeshjen evropiane, shkruan gazeta kombëtare ‘Bota sot’. Aty pengohen, nuk lejohen të futen me targat e Republikës së Kosovës. Ky është turpi përtej turpi, skandal përtej skandali. “Evropa dhe bota duhet të jetë e pamëshirshme me Republika Srbska (Bosnja & Hercegovina). Ende ka Jugosllavi. 15 orë rrugë, gjithë mundi ekipor dhe në fund thanë: nuk lejoheni te futeni me tabela KS. E ndërtuan planin sa hap e mbyll sytë me shpresën fitore 3:0”, shkruan mes të tjera Hajdaraj në profilin e tij.
