Klubi i volejbollit Prishtina nuk e ka ndërmend të hesht, por janë të vendosur që kësaj pune t’i shkojnë deri në instancat me të larta evropiane. “Reagimi dhe ankesa e klubit , drejtuar FVK-ës dhe Institucioneve më të larta sportive në vend, nuk ka marrë asnjë përgjigje dhe sidomos ka hasur në veshë të shurdhër, të Kryetarit dhe Bordit të FVK-ës (me deklaratën e tij: “ne bajmë çka të dojmë dhe s’ka kush çka na banë”). Kjo papërgjegjësi e tyre, paprecedent në analet e volejbollit të Kosovës, na ka detyruar të kërkojmë drejtësi nga Institucionet Ndërkombëtare të volejbolli.
Kryesia e KV Prishtina-F, paralajmëron të gjitha klubet e volejbollit se është gati të procedon ankesën në Institucionet Ndërkombëtare FIVB, CEV dhe BVA , për shkeljet e akteve normative te FIVB, CEV, BVA dhe FVK-ës nga Kryetari i Federatës. Përmes kësaj shkrese Klubi i Volejbollit Prishtina-femrat, shpreh shqetësimin lidhur me një sërë shkeljesh të cilat janë bërë nga Kryetari i Federatës Nacionale të Kosovës z. Abedin Ibrahimi”, thuhet nga KV Prishtina-F. “Kryesia e klubit ka bërë ankesë me shkrim në Federatën Nacionale me datë 30.03.2017 me nr. Protokolli 18/17 në lidhje me këto shkelje, por që asnjëherë nuk kemi marrë ndonjë përgjigje.
Andaj, duke e parë që ankesa jonë nuk është marrë në konsideratë fare nga kreu i Federatës, atëherë ju jemi drejtuar juve për shqetësimet dhe faktet të cilat i kemi siguruar për të argumentuar ankesën tonë.
Prandaj, kërkojmë nga ju sqarime për:
Statusin e lojtares Vildane Jashari në FIVB, CEV
Statusin e lojtares Adelajda Prenga-Ilazi, në FIVB dhe CEV
Statusin e lojtares Nazmije Ibrahimi, në FIVB dhe CEV
Statusin e lojtares Rukije Mujaj, në FIVB dhe CEV.
Analizimi i ndeshjes ndërmjet KV Skenderaj dhe KV Vasas Obuda Budapest.
Arsyetim 1: Transferet jashtëligjshëm nga Federata e Origjinës në Federatë të re
1.Në kundërshtim të Rregullores së Brendshme ( neni 4.9) ekipi i KV Kastrioti-femrat e ka aktivizuar lojtaren Vildane Jasharin kampionatin e Kosovës (Superligës) dhe garat e CEV-it, pa bërë tërheqjen e licencës nga Vis FIVB dhe pa paguar taksën e transferit, lojtarja në fjalë është e regjistruar në Federatën e Shqipërisë dhe transferi i është lejuar për ndërrim të Federatës së Origjinës(nga ajo e Shqipërisë në atë të Kosovës) me datë 04/05/2017 nga Komiteti Ekzekutiv i FIVB.
2. Po ashtu, KV Drita e ka aktivizuar lojtaren Adelajda Prenga- Ilazi , në Kampionatin e Kosovës dhe garat e CEV-it, (si lojtare vendore ) pasi që e njejta figuron në Vis FIVB si lojtare e Shqipërisë. E njëjta është aktivizuar pa bërë tërhjekjen e licencës nga Federata e Origjinës së Shqipërisë. Gjithashtu nuk është paguar taksa për transfer sipas rregullores në FIVB dhe CEV.
Arsyetim 2: Aktivizimi i lojtareve jashtë ligjshëm vetëm për ndeshjet ndërkombëtare
1. Në ndeshjen e garave të CEV (Challenge Cup) KV Skenderaj - KV Vasas Obuda Budapest, me insistimin dhe dijenin e Kryetarit të FVK-ës, z. Abedin Ibrahimi lojtarja Vildane Jashari është paraqitur në emër të lojtarës tjetër (Ardiana Krasniqi) me numër 3 në fanellë për ekipin e KV Skenderaj nga Skenderaj, e gjitha kjo ka ndodhë në prezencën e “supervajzerit”(nga Kosova) të deleguar nga CEV-i dhe anëtarëve të Bordit të FVK-së.
2. Lojtarja Nazmije Ibrahimi e cila është e regjistruar në KV Kastrioti nga Ferizaj është paraqitur në garat e CEV-it për ekipin e KV Skenderaj (vetëm për ndeshjen e lartpërmendur) dhe ka vazhduar të luaj gjatë kampionatit prapë për KV Kastrioti, e gjitha kjo është në kundërshtim me rregulloret e FIVB dhe CEV.
3. Lojtarja Rukije Mujaj, e cila është e regjistruar në KV Drenasi nga Drenasi është paraqitur në garat e CEV-it për KV Skenderaj (vetëm për ndeshjrn e lartpërmendur) dhe e njëjta ka vazhduar të luaj gjatë Kampionatit të Kosovës për KV Drenasi lëvizje e bërë vetëm për këtë ndeshje ndërkombëtare, I njëjta shkelje që është në kundërshtim me Rregulloret e lartë cekura.
Paraqitja e lojtareve në fjalë në garat e CEV-it dhe në Kampionatin e Kosovës, konsiderojmë se janë në kundërshtim me rregulloret e FIVB-s dhe CEV-it dhe si pasojë e kësaj është çrregulluar zhvillimi i garave në Superligën e Kosovës.
Kryetarit të FVK-së , z. Abedin Ibrahimit paraprakisht i është tërhequr vërejtja se paraqitja e këtyre lojtareve në këtë formë nuk është bërë konform rregullores së brendshme të FVK-së dhe rregulloreve të FIVB-së dhe CEV-it.
Prandaj, konsiderojmë se këto shkelje të cilat janë bërë nga vetë Kryetari i Federatës Nacionale të Kosovës janë duke degraduar në masë të madhe Volejbollin e Kosovës.
Kërkojmë nga organet e FIVB dhe CEV-it, të marrin parasysh ankesën e klubit e cila mbështetet në fakte të cilat i keni në dispozitiv të kësaj ankese dhe në dokumentacionin e CEV (video e ndeshjes në fjalë në Youtube).
Dispozita përmban:
a) Fotokopja e licencës për lojtare Vildane Jashari, nga Vis FIVB;
b)Lista e lojtareve të KV Skenderaj të paraqitura në ndeshjen
KV. Skenderaj - Vasas Oduga Budapest, ku emri i lojtares Vildane Jasharit nuk figuron fare;
c) Fotografia e paraqitjes së lojtares me nr.3 në fanellë Vildane Jashari në vend të lojtares Ardiana Krasniqi;
d) Licenca e lëshuar nga FVK në emër të lojtares Ardiana Krasniqi;
e) Fotokopja e licencës për lojtaren Adelajda Prenga-Ilazi e lëshuar nga Vis FIVB si lojtare e Shqipërisë;
f) Fotokopja e ankesës së Klubit tonë të protokolluar në zyrën e FVK-s, me dt. 30.03.2017.
Licenca e lojtares Ardiana Krasniqi, lëshuar nga FVK si lojtare e KV Skenderaj në vend të cilës është aktivizuar lojtarja Vildane Jashari në ndeshjen e Challenge Cup. F5. Licenca e lojtares Adelajda Prenga-Ilazi e lëshuar nga Vis FIVB. F6. Shkresa e dorëzuar nëzyrën e FVK-s , nr.protokollit 18/17 të datës 30.03.2017”, thuhet në letrën e kryesisë së KV Prishtina- Femrat.