Ka përfunduar festivali i Beach Volley për fëmijë, projekt i përbashkët i Konfederatës Evropiane të Volejbollit CEV dhe FVK-së.
Festivali është mbajtur në Holiday Resort nga ora 10:00-13:00. Hapjen e Festivalit e bëri Kryetari i FVK-së z.Abedin Ibrahimi i cili përshëndeti të gjithë fëmijët dhe trajnerët pjesëmarrës duke ju deshiruar të kalojn një ditë të bukur me aktivitete të beach volley. Më pas Anëtarët e Komisionit për Zhvillim pranë FVK-së, në bashkëpunim me trajnerët e ekipeve organizuan disa ushtrime për fëmijët dhe me pas u organizuan gara të ndryshme për pjesëmarrësit.
Duhet theksuar se në këtë festival ishin pjesëmarrës mbi 160 fëmijë dhe 10 trajnerë nga klube të ndryshme të Kosovës.