Bardhyl Hajdaraj, volejbollisti më i mirë në vendin tonë, vendos për të ardhmen e tij. Ai nuk e tradhton klubin e Pejës dhe i mbetet besnik edhe për një edicion. “Edhe një sezon me Pejën! Tri vite plot suksese e tituj kolektiv dhe personal, tri vite për të mos u harruar kurrë dhe për të mos u penduar për rikthimin në Pejë. Faleminderit stafit dhe bashkëlojtarëve dhe te gjithë mbështetësve moral dhe material, faleminderit FVK, klubeve, kolegëve kundërshtar dhe shokë njëkohësisht. Faleminderit për ofertat skuadrave tjera, por që nuk mjafton që të ndërroj mjedis. Peja më detyrohet shumë por edhe unë kam me bë më të mirën e mundshme për ta arsyetuar besimin”, ka thënë Hajdaraj.
