Përzgjedhësi i Kombëtares së Kosovës, Driton Kuka, është i lumtur për suksesin e madh të xhudistes së tij, Nora Gjakova (-57 kg), e cila fitoi medaljen e artë në Grand Prix, që po mbahet në Tbilisi të Gjeorgjisë. Ajo në finale pas vazhdimeve e mposhti kampionen olimpike, brazilianen Rafaela Silva.
“Kampionja Olimpike Silva gjunjëzohet para Norës!
Nora Gjakova, e artë! Pas disa humbjeve prej saj sot Nora në finale mposhti kampionen olimpike aktuale Brazilianen Silva. Plot katër fitore për medaljen e artë, edhe Gjeorgjia sonte po njoftohet me simbolet tona shtetërore! Herën e fundit 2016 nuk na i lejuan por sot po! Bravo Nora. Ajo fiton 700 pikë olimpike”, shkruan Kuka.
