Përzgjedhësi i kombëtares së Kosovës, Driton Kuka, nuk ka si mos të jetë i lumtur, nga Grand Prix që u mbajt në Tbilisi, fitojnë dy medalje të arta. Sot edhe xhudistja e talentuar Loriana Kuka (-78 kg) fitoi medaljen e artë, duke e deklasuar me ippon kubanezen Kaliema Antomarch, kurse të premten Nora Gjakova u stolis me të artën në kategorinë -57 kg.
“Dy herë fluturoj kubanezja! Lori po na bën krenar pakufi!
E artë në Grand Prix Tbilisi! Loriana Kuka po vazhdon edhe si pjesë e familjes ëndrrën time që më mbeti në gjysmë!
Fundajavë e bukur për popullin e shtypur me shekuj!
Liria e merituar për të rinjtë që i kemi”, shkruan Kuka.
