Federata e Xhudos së Kosovës bashkë me klubin e Xhudos “Ippon” në Pejë nesër do të organizojë turneun ndërkombëtar në Xhudo, të cilin e kanë cilësuar “Xhudo për Paqe”.
Kështu ka bërë të ditur, trajneri Driton Kukan në një shkrim në facebook.
Ai tha se gara pritet të jetë e rëndësishme për gjithë ata që pretendojnë arenën ndërkombëtare,
Sipas tij, Ekipi Olimpik në krye me Majlinda Kelmendin do të jenë prezent për të takuar garuesit perspektiv dhe përkrahur gjithë sportistët e rinj.
Turneu do të zhvillohet në palestrën sportive, “Karagaqi” në Pejë.
