Xhudistja kosovare triumfon në Kinë, në supershtetin që se ka njohur shtetin e Kosovës

Xhudo

Xhudistja kosovare triumfon në Kinë, në supershtetin që se ka njohur shtetin e Kosovës

Nga: Skënder Sadri KAPITI Më: 12 dhjetor 2019 Në ora: 18:24
Distria Krasniqi

Opinion

Të lumtë Distria! Na bëre krenar çdo shqiptar, pasi sot triumfuat jo vetëm Ju dhe trajneri i madh Kuka, por triumfoi edhe kombi, edhe Kosova.

Kjo, pasi e Arta që stolise Kosovën është fitore jo vetëm sportive, por edhe politike, prestigji dhe imazhi kombëtar për Shtetin Kosovës, sepse Ju triumfuat në Kinë , në shtetin e madh i cili nuk e njeh akoma Shtetin e Kosovës, triumfuat në shtetin i cili mohon gjenocidin serb mbi shqiptarët e Kosovës.

Vendi i parë dhe e Arta që fituat Ju e detyroi Kinën që të njohë e të respektojë himnin dhe flamurin e Shtetit të Kosovës, flamur cili u valvit mbi atë të Rusisë në vend të tretë, e cila edhe ajo nuk e njeh Shtetin e Kosovës.

Sot sporti kosovar i xhudos solli një fitore të madhe për të gjithë shqiptarët, dhe është si një sfidë e menjëhershme kundër asaj paturpësie që bëri Komisioni i Çmimit Nobel i cili ia dha atë çmim mbështetësit të regjimit kriminal e genocidist të Millosheviçit ashtu sikurse janë dhe mbajnë qëndrim antiKosovë edhe Kina e Rusia të cilat i mposhti krenaria jonë kombëtare, xhudistja Distria Krasniqi.

Kjo bën që të ndjehet krenar çdo shqiptar, dhe kjo shërben edhe si frymëzim, shëmbull e model kombëtarizmi edhe për politikën e pushtetarët shqiptarë.

commentFirst article
Sot mund të lexoni Shfletoni kopertinat