Loriana Kuka lufton për medaljen e bronztë në Kampionatin Evropian

Xhudo

Loriana Kuka lufton për medaljen e bronztë në Kampionatin Evropian

Nga: Kemajl Goca Më: 18 prill 2021 Në ora: 12:30
Loriana Kuka lufton për medaljen e bronztë në Kampionatin Evropian

(E plotësuar) - Xhudistja Loriana Kuka (-78 kg) lufton për medaljen e bronztë në Kampionatin Evropian, që po mbahet në Lisbonë të Portugalisë. 

Ajo bëri luftë të fortë por një pakujdesi dhe u mposht me ippon nga holandezja Guusje Steenhuis.

Loriana në repezash lufton për medalje të bronztë kundër francezes Estelle Fanny Posvite.

Xhudistja e Kombëtares së Kosovës, Loriana Kuka (-78 kg), do të luftojë për finale.

Ajo u ballafaqua në çerekfinale me austriaken Bernadette Graf dhe në kohë të rregullt nuk pati fitues.

Pas vazhdimeve, Loriana si atom, e mposhti me ippon austriaken.  

Xhudistja Loriana Kuka (-78 kg) u ballafaqua me ukrainasen Anastasiya Turchyn dhe pas një lufte fitoi Loriana.

Kuka kualifikohet në rrethin e tretë të Kampionatit Evropian, që po mbahet në Lisbonë të Portugalisë. 

Xhudistet po e bëjnë krenar Kosovën dhe kombin shqiptar, dy medalje të arta dhe një e bronztë nga Kampionati Evropian. 

Distria Krasniqi (-48 kg) dhe Akil Gjakova (-73 kg), janë kampionë të Evropës, ndërsa Nora Gjakova (-57 kg) - e bronztë.

commentFirst article
Sot mund të lexoni Shfletoni kopertinat