Loriana Kuka mbetet pa medalje, megjithatë ka treguar formë të lartë në Kampionatin Evropian, që u mbajt në Lisbonë të portugalisë. Ajo luftoi deri në pikën e fundit, por në luftë për medalje të bronztë mposhtet me ippon nga garuesja me përvojë e Francës Estelle Fanny Posvite.
Xhudistja Loriana Kuka (-78 kg) në rrethin e dytë u ballafaqua me ukrainasen Anastasiya Turchyn dhe pas një lufte të fortë fitoi me ippon Loriana.
Loriana dëshmoi formën e saj edhe në çerekfinale, duke e gjunjëzuar pas vazhdimeve austriaken Bernadette Graf.
Shtatlartja jonë, bëri luftë të fortë në gjysmëfinale por një pakujdesi i kushtoi dhe u mposht me ippon nga holandezja Guusje Steenhuis.
Loriana në repesazh në luftë për medalje u ndesh me francezen Estelle Fanny Posvite.
Distria Krasniqi (-48 kg) dhe Akil Gjakova (-73 kg), janë kampionë të Evropës, ndërsa Nora Gjakova (-57 kg) - e bronztë.
