Kryetari i Federatës së Xhudos së Kosovës, Agron Kuka, e vlerësoi jashtëzakonisht shumë renditjen e fundit të publikuar nga Federata Ndërkombëtare. "Me publikimin e fundit të Ranglistës Botërore, shihet qartë se xhudistet tanë kanë përparuar dukshëm hiq Majlindën që është duke dominuar kategorinë e saj që një kohë të gjatë!
Kjo tregon që ekipi i xhudos përveç që është duke avancuar në elitën botërore po ashtu është duke u rritur edhe numri i garueseve që pretendojnë majat e xhudos botërore. Qëllimi jonë si federatë është të vazhdojmë me punë serioze dhe profesionale e për Olimpiadën e Tokios t’i sigurojmë së paku 4-5 Norma", tha Kuka për gazetën kombëtare 'Bota sot".
