Xhudisti i kombëtares së Kosovës Akil Gjakova (-73 kg) dëshmoi paraqitje fantastike në garën më të fortë botërore, Grand Slam. Trimi ynë fitoi medaljen e artë dhe super pikë për renditjen e përgjithshme botërore, sikurse edhe e bronzta Distria Krasniqi (-52 kg). “Akili fitoi 1000 pikë në renditjen botërore, kurse Disi 500 pikë”, tregon për gazetën kombëtare “Bota sot”, Driton Kuka, përzgjedhës. Akili dhe Disi, tejkaluan pritshmëritë në garën më të fortë botërore?
“Akili ka bë befasi të madhe, ndërsa Distria është klasë botërore dhe prej saj kemi pritur, por Akili e ka mahnit botën”, tha Kuka. A është Akili në formën më të mirë jetësore? “Rezultati kaq i madh është diçka e jashtëzakonshme. E pabesueshme Grand Slami i Parisit është përveç Botërorit gara më e fortë”, përgjigjet Kuka.
