Katër qytetarë nga Kosova janë arrestuar në një aksion të zhvilluar në qytetin e Aargaut në Zvicër.
Policia dhe Administrata Federale të Doganave kanë arritur të kapin një sasi prej 116 kilogramë drogë të llojit marihuanë.
Vlera e drogës llogaritet të jetë 1 milion frang apo 915 mijë e 687 e 63 euro, raporton Blick.ch.
Droga ishte fshehur në rimorkion e kamionit.
Media ka raportuar gjatë ditës së djeshme lidhur me rastin.
Njëri nga ta është pronar i një agjencionit turistik në Aargau, ndërsa tjetri është vëllau i tij.
Dy të tjerët janë shoferët që kanë vozitur kamionin.
Të arrestuarit janë mes moshës 26 dhe 45 vjeç dhe të gjithë janë në paraburgim.
Por, si janë kapur ata?
Blick.ch ka zbuluar detaje lidhur me rastin.
Sipas të dhënave të reja, dy nga të arrestuarit janë vëllezër, 42 vjecar dhe 38.
Policia e kantonit të Aargaut në një operacion të përbashkët me Administratën Federale të Doganave (FCA) kishin bllokuar apartamentin ku jetonte pronari nga Kosova i kompanisë së udhëtimeve në Aargau.
Gruaja e njërit nga të dyshuarit ka deklaruar se nuk dinte gjë për drogën.
“Papritmas erdhi policia. Ne ishim të shokuar sepse nuk e dinim se ai supozohej të kishte ndonjë lidhje me drogën “.
Ajo dhe dy fëmijët e saj janë ndarë nga i dyshuari për një kohë të gjatë.
“Fëmijët e mi dhe unë nuk e kemi parë atë për dy vjet. Ne thjesht do ta lëmë policinë të bëjë punën e saj tani “.
Droga ishte e paketuar në rimorkion e kamionit, ndërsa ishte e fshehur prapa një muri të dyfishtë në rimorkio.
