Eman Rrahmani dhe Visar Korenica, dy deputetë të Lëvizjes Vetëvendosje në Kuvendin e Kosovës, kanë mbështetur qëndrimin e tyre kundër Projekt-Kodit Civil, konkretisht për pjesën e martesave për gjininë të njëjtë.
Qëndrimi i tyre bie ndesh me shefin e VV-së, Albin Kurtin, si dhe ministren e Drejtësisë, Albulena Haxhiu, që kanë kërkuar mbështetjen e këtij projektligji.
Nëpërmjet shpërndarjes së fjalimit të njëjtë eurodeputetit kroat Ladislav Ilçiq në ‘Facebook’, Korenica dhe Rrahmani ka thënë se votimi i një Projekt-Kodi të këtillë nuk është “parakusht e as kriter për rrugën drejtë integrimit euroatlantik”.
“Deputeti i Parlamentit Evropian kërkon falje publike në emër të gjithë atyre që bën presion që ky projektligj të mbështetet. As nuk është parakusht e as kriter për rrugën drejtë integrimit euro-atlantik”, kanë mbishkruar njësoj në videon e shpërndarë të dy deputetët të VV-së.
Ilçiq, në fjalimin e tij në Parlamentin Evropian, përkujton referendumin e tij, të përkrahut nga 700 mijë qytetarë kroat, që kërkojnë definimin e martesës vetëm ndërmjet burrit dhe gruas.
Korenica dhe Rrahmani kanë refuzuar të votojnë pro Projekt-Kodit Civil kur është sjellë në Kuvendin e Kosovës nga ministrja Haxhiu.
Deputeti Korenica së fundmi është shkarkuar nga dega e subjektit politik të cilin përfaqëson. Ai ka thënë se vota kundër Projekt-Kodit Civil ka qenë arsyeja e shkarkimit.
Votimi i këtij Projekt-Kodi është kërkuar zëshëm nga akterët ndërkombëtarë.
