Gjatë dy ditëve, Drejtoria për Hetimin e Krimeve Ekonomike kanë realizuar një aksion ku janë konfiskuar 244 telefona të mençur.
Veç në ditën e parë të aksionit janë konfiskuar 118-të, dhe është mbyllur një biznes (Mobishop) dhe një tjetër është bllombuar, pasi që në momentin kur po realizohej aksioni lokali ishte mbyllur.
Derisa sot, lokali është hapur në prezencën e pronarit nga ana e autoriteteve.
Aty janë gjetur dhe konfiskuar:
(67) Telefona të mençur (Smart Phone), të cilët dyshohet se në vendin tonë kanë hyrë duke iu shmangur taksave dhe tarifave doganore e procedurave tjera të rregullta.
– (59) Telefona të mençur (Smart Phone), janë sekuestruar përkohësisht, pasi që për këta telefona pronari i biznesit ka ofruar dëshmi mbi prejardhjen, mirëpo nuk kanë qenë bindëse sipas Inspektorëve dhe për këtë arsyeje janë sekuestruar me qëllim të verifikimit në detaje.
Mbi bazën e këtyre veprimeve është krijuar dyshimi se i dyshuari (pronari i biznesit të kontrolluar), dyshohet se ka kryer veprat penale:
“Shmangia nga pagesa e tarifave të detyrueshme doganore ose tarifave akcizore”
“Kontrabandimi i mallrave” dhe
“Shmangia nga tatimi”
Pas ndërmarrjes se gjitha veprimeve të nevojshme, është kontaktuar Prokurorja e rastit, e cila është njoftuar me të gjitha detajet e rastit dhe nga e njëjta na është kërkuar që i dyshuari të lirohen, ndërsa rasti të mbetet në procedurë të rregullt.
