Gazetari Igli Çelemta tha në “Now me Erla Mëhillin”, në Euronews Albania se detaje të reja janë zbuluar lidhur me vrasjen e Liridonës.
Ai tha se personi nga i cili është marrë arma e krimit, ka thënë se atë ia ka kërkuar Naim Murseli dhe se ai së bashku me Granit Plavën, ekzekutuesin e Liridonës, kanë bërë prova me pistoletën në banesën e tij.
“Po të shikojmë dëshminë e personit të cilit i është blerë arma e krimit, i cili është bërë bashkëpunëtor i drejtësisë, Tom Dodaj, ka deklaruar se armën ia ka kërkuar Naim Murseli. sipas tij Naimi dhe Granit Plava, kanë bërë prova me armën në oborrin e shtëpisë së tij.
Doda ka thënë se armën ia kishte blerë disa shqiptarëve para 5 vitesh në Gjakovë. Dëshmia e Granit Plavës me dëshminë e Tom Dodës ka përputhje, ndërsa Naim Murseli ka dëshmuar se armën ia ka kërkuar Graniti”,-tha gazetari.
