Është dita e katërt që po qëndron pa bukë e pa ujë.
Infermieri Enlirat Duraku ka hyrë në grevë urie para Ministrisë së Shëndetësisë.
Nga data 26 shkurt dhe nën temperatura të ulta, ai po qëndron këtu nga ora 6 e mëngjesit deri në orën 5 të pasdites.
E gjendja e tij shëndetësore dita e ditës po përkeqësohet.
Kërkesat e tij ai ka i ka vendosur një nga një në hyrje të Ministrisë së Shëndetësisë.
Deri në plotësimin e kërkesave, Duraku thotë se do të qëndojë para Ministrisë së Shëndetësisë.
Gjatë këtyre ditëve ai thotë se asnjëherë nuk e ka takuar Ministrin e Shëndetësisë, Arben Vitia e as zyrtarët e kabinetit të tij.
