Deputeti nga Lëvizja Vetëvendosje, Mefail Bajqinovci, ka reaguar pas publikimit të fundit të sondazhit nga UBO. Bajqinovci thotë se ky sondazh nuk ka sjell asnjë risi pasi që dihet që LVV prinë me rreth 50%.
Tutje ai thotë se lufta kryesore do të jetë mes PDK-së dhe LDK-së, ku shton se do jetë një luftë e madhe për vendin e dytë.
Por Bajqinovci thekson se ky sondazh është bërë pa votat e mërgatës, ku shprehet se populli ashtu siç e zgjodhi LVV në vitin 2021 do ta zgjedh edhe tani në zgjedhjet që do të mbahen.
“Sonadazhi nuk tregon asnjë risi kjo është e ditur për çdo muaj dhe cdo 3 muaj apo edhe 6 muaj që bëhen, LVV prinë dhe atë prinë me rreth 50% minus plus, andaj kjo është normal dhe lufta do të jetë për vendin e dytë. Luftë e madhe është duke u bërë mes PDK dhe LDK për vendin e dytë. Ndërsa LVV 49 % i ka pa mërgatën sondazhi ka të bëjë pa mërgatën. Mendoj që lufta kryesore do të jetë mes PDK dhe LDK për vendin e dytë. Ndërsa populli ashtu siç ka zgjedh në vitin 2021 edhe këtë vit nëse mbahen zgjedhjet deri në fund vit të rregullta populli ka vendos dhe sondazhi po tregon që 50% do ta mbështesin Albin Kurtin për kryeministër të vendit dhe për punën që është bërë deri më sot si në qeverisje ashtu edhe në veriun e vendit dhe në arenën ndërkombëtare”, tha Bajqinovci.
