(E plotësuar) - Ministrja e Mbrojtës së Shqipërisë, Mimi Kodheli e cila po qëndron në vizitë zyrtare në Kosovës, ka shprehur besimin e saj se pengesat ligjore për transformim e FSK-së në ushtri do të kalohen shpejtë.
Ajo këto deklarata I ka bërë në një konferencë të përbashkët pas takimit me ministrinë FSK-së, Haki Demolli.
“Personalisht besoj se shpejt do të kalohen pengesat qoftë ligjore apo tjera për transformimin e FSK-së në ushtri”, është shprehur ajo.
Kodheli ka thënë se Shqipëria do të jap përkrahjen maksimale për ngritjen profesionale të FSK-së.
Ndërsa ministri Demolli ka thënë se gjatë takimit me Kodhelin për bashkëpunimin e ndërsjellët.
Demolli ka thënë se u dakorduan për planin e trajnimeve për vitin e ardhshëm.
“I tërë ky bashkëpunim i ndihmon FSK-së për ngritje profesionale. FSK tashmë është e gatshme për transformim në Forca të Armatosura, tani jemi duke e pritur vetëm vendimin politik”, ka thënë Demolli.
Kodheli në Ministrinë e Forcës së Sigurisë
Ministrja e Mbrojtjes së Shqipërisë, Mimi Kodheli, po qëndron në vizitë zyrtare në Kosovë, e cila sot do të vizitojë Ministrinë e Forcës së Sigurisë së Kosovës, e cila do pritet nga homologu i saj, Haki Demolli.
Sipas një njoftimi për media të MFSK-së, pas këtij takimi do të vazhdohet me një takim bilateral në mes të dy delegacioneve, ku më pas dy ministrat do t’i drejtohen mediave.
